صــــد وتغلى ....

صد وتغلى واحرق اعصاب مغليكـ
وش قيمـة الغالــي اذا ماتــغــــلى



ابعد وطنشني واذا قلت وش فيـــكـ
قول الهوى لعبه وحـنا انتســــلى




ابيك بارد دم تقهر محـــــاكيكـ
وانا ابتظاهر بالصبـــر واتحـلى



وان جيت يمك مد عني خــطاويكـ
من شيمة المقفي خطاويــه عجــلى



لا تلتفت لـــي لو اصوت واناديكـ
وان طاحت الدمعه ترا العين خجلى



واذا التقينا صدفه وقمت اراعيكـ
راع بطرف عينك وصد وتعـــلى



وان قلت لك تكفى ذبحني تجافيكـ
والقلب ياقلـــبي مــن الصــد ملى



قل بدري وطبطب عليه بياديـــكـ
وتل الخفـــوق بسهم الاعيان تــلى



نذرن علي لابيع هالكون واشريكـ
يااحلا من السكر يابو عيون نجـلى



وابوس رأسك ثم اقبل خطاويـــكـ
واستسمحـك لو جاتنــــي مــنك زلى



ولك العهد لو تحرق اعصاب مغليكـ
يزود ماينقـــص غلا من تغـــلى

ودي وتقديري